Երբ կյանքը մանյակ է
Ամեն օրը մարգարիտ է
Երբ կյանքը վանդակ է
Ամեն օրն արցունք է
Երբ կյանքն անտառ է
Ամեն օրը ճյուղ է
Երբ կյանքը ճյուղ է
Ամեն օրը տերև է
Երբ կյանքը ծով է
Ամեն օրը ալիք է
Ամեն ալիք բողոք է,
Երգ, ոգևորություն է…
Ժակ Պրեվեր
Տարվա ամիսները
Հունվարը` նոր տարուն բարև ասելու համար է
Փետրվարը` ձյանը ասելու`պետք է հալչել
Մարտը` չվող թռչուններին ասելու` վերադարձիր
Ապրիլը, ծաղկին ասելու` բացվիր
Մայիսը` ողջունելու`մեր աշխատավոր ընկերներին
Հունիսը` ծովին ասելու` մեզ շատ հեռու տար
Հուլիսը` արևին ասելու` քո եղանակն է
Օգոստոսը` մարդը երջանիկ է մարդ լինելով, ասելու համար է
Սեպտեմբերը` ցորենին ասելու` դարձիր ոսկի
Հոկտեմբեր` ասելու`ընկերներ, ազատություն
Նոյեմբերը` ծառերին ասելու` տերևաթափ եղեք
Դեկտեմբերը` հին տարուն հաջողություն ասելու համար է
Իսկ տարվա տասներկու ամիսները, որդիս, նրա համար են, որ քեզ ասեմ, ես սիրում եմ քեզ:
Ալան Բոսքե
Ձյուն
Լռության երաժշտության տակ
Պարում են, պարում են սպիտակ փաթիլները,
Որոնք օրորվում են,
Եվ հեռանում,
Հյուսելով մի նուրբ ծածկոց`
Քնած հողի համար
Լռության երաժշտության տակ պարում են,
Պարում են, պարում են սպիտակ փաթիլները։
Ժակլին Մերիոթ
Комментариев нет:
Отправить комментарий