Հենց սկսեք օգտագործել ձեր մենակ լինելը, այս 10 բաները կլինեն

Շատ մարդիկ հակված են նկատելու, որ «մենակ լինելը» ձանձրալի է: Նրանք կարծում են, թե դա նշանակում է, որ հասարակությանը դեմ են կամ անցանկալի են դառնում վերջինիս համար: Իրականում մենակ լինելը միանշանակ վատ չէ: Հենց որ ընդունում եք մենակությունը, առատորեն շահում եք։ Չեմ ասում` պիտի անտառներ գնաք և հասարակությունից հեռանաք: Ոչ ոք չի թերագնահատում հարաբերություններից առաջացող օգուտներն ու զվարճանքը: Ասածս այն է, որ երբ սովորեք մենակ վայելել ձեր ժամանակը, կսկսեք մարդավարի ապրել:

Ահա այն տասը բաները, որոնք տեղի կունենան, հենց որ սկսեք ընդունել մենակությունը:

   

1. Կվերալիցքավորվեք

Այլ մարդկանցով շրջապատված լինելիս սպառվում է մեր էներգիան: Մենք ստիպված ենք մյուսներին զբաղեցնել, զվարճացնել, կարդալ իրենց զգացողությունները և այլն: Կարող է մտավոր հոգնածություն առաջանալ անընդհատ ուրիշների հետ հարաբերվելու պատճառով:Մենակ ժամանակը հնարավորություն է տալիս զգացմունքային դադար ունենալու և վերալիցքավորվելու:

2.Կստանաք  ավելի շատ ժամանակ խորհելու համար

Կյանքը անընդհատ առաջ է գնում ժամում 1000 մղոն:Մենք պիտի գործենք արագ, և դա հաճախ կարող է մեզ ուղղված մարտահրավեր լինել: Մենակ լինելը ինքնավերլուծության որոշ հնարավորություն է տալիս: Ստիպված չեք վերլուծելոււ ուրիշների մտքերն ու զգացողությունները, և դա ժամանակ է տալիս ներհայեցողության:

3.Կսկսեք ճանաչել ձեր զգացողությունները

Եթե դուք շրջապատված եք մարդկանցով, մշտապես պիտի կարդաք և հաշվի առնեք նրանց զգացողությունները: Մենակ չլինելով՝ ժամանակ չունեք ձեր զգացողությունները ճանաչելու։ Մենակ լինելը լավ հեռանկար է բացում սեփական զգացողությունների համար։ Կհասկանաք, թե ինչից եք տխրում,վշտանում և ինչից եք ուրախանում: Հենց որ հասկանում եք այդ բաները, ավելի հեշտ է դառնում ինքներդ ձեզ կարգավորելը:

4.Կանեք բաներ, որոնցով իսկապես հետքրքրված եք

Երբ շրջապատված եք մարդկանցով,պիտի փոխզիջումների գնաք,հաշվեք ուղիները, որ ամբողջ խումբը կարողանա ընդգրկվել գործի մեջ:Սովորաբար այն,ինչ դուք առավել ցանկանում եք, միշտ չէ, որ խումբն է ցանկանում: Մենակ լինելը ձեզ ազատություն է տալիս անելու այն, ինչ ցանկանում եք:

   

5.Դուք կլինեք շատ ավելի գործուն

Կասկած չկա, որ ուրիշ մարդկանց ընկերակցությունը ժամանացային և զվարճալի է, բայց դա նաև կտրուկ ազդում է ձեր գործունեության արդյունավետության վրա: Շատ ժամանակ այլ մարդկանց ներկայությունը պարզապես շեղում է ձեզ գործեր անելիս:Մենակ ժամանակ դուք առավել գործուն եք,ավելի քիչ են խանգարող հանգամանքները:

6.Հարաբերությունները կդառնան նույնիսկ ավելի հաճելի

Եթե դուք կարողանում եք անցկացնել ժամանակը մենակ, կանոնավոր կերպով, ի վերջո դուք սկսում եք վայելել այն: Նաև նկատում եք, որ նույնիսկ ավելի եք վայելում հարաբերություններն ուրշիների հետ: Որովհետև մենակ անցկացրած ժամանակը ձեզ տալիս է ավելի մեծ գնահատում ձեր և ձեր ընկերների հանդեպ:

7.Դուք ավելի անկախ կդառնաք

Երբ դուք սիրեք մենակությունը, ձեր մենակ լինելու առկա հնարավորության մեջ ավելի ինքնավստահ կլինեք: Դա էլ իր հերթին ավելի անկախ կդարձնի ձեզ:Դուք ընկերախմբի ուժգին պահանջ չեք զգա, կամ մենակ լինելու անհանգստություն:

8.Դուք ստիպված չեք լինի մշտապես մյուսներին ուրախացնել:

Կյանքը բեռնված է տարբեր հարաբերություններով:Այդ հարաբերությունների մեծ մասը պահպանվում են, երբ երկու կողմերն էլ երջանիկ են մնում: Բայց դա կարող է խիստ նվազել, կախված նրանից, թե ում հետ է ձեր հարաբերությունը: Երբ դուք մենակ եք, միակ մարդը ում երջանկությամբ պիտի մտահոգված լինեք, դուք ինքներդ եք:

9.Դուք ներողություն չեք խնդրի որևէ բանի համար:

Երբ սկսեք օգտագործել ձեր մենակ ժամանակը, դուք շատ շուտ կսովորեք, որ մենակություն նշանակում է, որ դուք հարկ չունեք ներողություն խնդրելու ձեր արածի համար: Մենք հակված ենք անելու բաներ, որ վշտացնում են մյուսներին կամ վիրավորում նրանց զգացմունքները, և մենք անմիջապես պիտի ներեղություն խնդրենք դրա համար: Մենակ մնալիս այդպես չէ: Մենակ լինելը հեռացնում է ամեն մի ազդեցություն: Դու կարող ես մի պահ կանգ առնել քեզ հասկանալու համար։

 10.Դուք կդադարեք հավանության կարիք ունենալուց:

Շատ ժամանակ մենք զգում ենք, որ մինչև գործելը անհարժեշտ է մեր ընկերների և ընտանիքի հավանությունն ստանալ:Մենք սիրում ենք նայել ուրիշներին մեր հաջորդ քայլն անելու համար: Ես չեմ ուզում ասել, թե խորհուրդ հարցնելը վատ բան է, բայց շատ ժամանակ, երբ կարող ենք գործել ինքնուրույն, դեռ համառորեն սպասում ենք ուրիշների պատասխանին: Ժամանակը մենակ անցկացնելը սովորեցնում է վստահել սեփական բնազդներին և որոշումներ կայացնել առանց որևէ օտար ազդեցության:

 
Թարգմանությունը՝ Մարիամ Գևորգյանի
Աղբյուրը՝http://higherperspectives.com/being-alone/?c=hp